MLS® լազերային թերապիան, Schroth թերապիան և սկոլիոզը

11/08/2025

MLS® լազերային թերապիան, Schroth թերապիան և սկոլիոզը

Լազերային ակուպունկտուրայի և Schroth թերապիայի համատեղ թերապևտիկ էֆեկտի հետազոտությունները հաստատում են արդյունավետությունը դեռահասների իդիոպաթիկ սկոլիոզի բուժման համար։

Հետազոտությանը մասնակցել է 80 AIS ունեցող հիվանդ, որոնք բաժանվել են երկու խմբի. մեկը ստացել է MLS® լազերային թերապիա՝ Schroth թերապիայի հետ համատեղ, իսկ մյուսը՝ միայն Schroth թերապիա։

Չափվել են մի շարք հիմնական պարամետրեր, այդ թվում՝

• Քոբի անկյունը (Cobb angle, որը ցույց է տալիս ողնաշարի կորությունը)

• Իրանի ուղղաձիգ պտույտը (axial trunk rotation (ATR))

• Հենաշարժիչ համակարգի ռիգիդությունը

• Քայլվածքի պարամետրերը

Գնահատումները կատարվել են հետազոտության մեկնարկին, 6 ամիս անց և 12 ամիս անց։

 

Արդյունքները տպավորիչ են.

• Փորձնական խմբի հիվանդների մոտ գրանցվել են Քոբի անկյան և ATR-ի բարելավման շատ ավելի բարձր ցուցանիշներ՝ համեմատած վերահսկող խմբի հետ, ինչպես նաև գրանցվել են ավելի վաղ թերապևտիկ արդյունքներ։

• Փորձնական խումբը 6 ամսվա ընթացքում հասել է սկոլիոզի բարելավման այն մակարդակին, որին սովորաբար հասնում են 12 ամսում միայն Schroth թերապիայի կիրառմամբ։

• Բացի այդ, համակցված թերապիա ստացող խմբի հիվանդների մոտ նկատվել է նաև ողնաշարային և քայլվածքի շարժունակության բարելավում, ինչպես նաև հենաշարժիչ համակարգի ռիգիդության էական նվազում։

• 12 ամսվա բուժումից հետո ընդհանուր արդյունավետությունը զգալիորեն բարձրացել է՝ համեմատած 6 ամսվա հետ. վերահսկող խմբում այն կազմել է 77.5%, իսկ բուժվող խմբում՝ 95%, ինչը ցույց է տալիս վիճակագրական զգալի տարբերություն նրանց միջև։

Որո՞նք են AIS -ի բուժման հեռանկարները

Եզրակացություն։ MLS® լազերային թերապիան՝ լազերային պունկցիայի ռեժիմում, Schroth թերապիայի հետ համատեղ, առաջարկում է ավելի արագ, ավելի արդյունավետ և ոչ ինվազիվ բուժման տարբերակ AIS-ի համար։ Այս նորարարական մոտեցումը ոչ միայն բարելավում է բուժման արդյունքները, այլև առաջարկում է ավելի հուսալի և հարմարավետ այլընտրանք ավանդական բուժման մեթոդներին՝ ընդգծելով դրա ներուժը որպես արդյունավետ լրացում սկոլիոզի ավանդական թերապիային։